Sulmi terrorist në Vjenë/ Avokati: Se kisha menduar se Kujtimi do të bëhej vrasës, shkak rruga…

Avokati mbrojtës i autorit të ngjarjes terroriste që tronditi mbrëmë Vjenën, Nikolaus Rast thotë se Kujtimi Fejzullari ka qenë një adoleshent pa fat. Sipas tij, familja e të riut ishte shumë e mirë por miqësia e tij me njerëzit e papërshtatshëm e futi atë në rrugë të gabuar. Për më tepër, ai nënvizon se nuk e kishte menduar kurrë që Kujtimi do të bëhej vrasës.

“Ai vinte nga një familje perfekte normale. Për mua ishte një adoleshent pa fat, që zuri miqësi me njerëzit e gabuar. Nëse nuk do shkonte në xhami, por të merrej me boks, do ishte bërë boksier. Nuk e kisha menduar kurrë se do të bëhej vrasës”,-thotë avokati.

Nikolaus Rast ishte avokati që e mbrojti vitin e kaluar pasi u kap në kufij duke tentuar që të udhëtonte drejt Sirisë. Ai u dënua me 22 muaj heqje lirie por doli në dhjetor.