Synojnë mirëqenien dhe jo pasurinë, ky është shteti më i lumtur në botë!

Lumturia është diçka që të gjithë e duam, ndonëse disa nga ne e jeton këtë gjendje emocionale në mënyrën e tij. Lidhur me ketë ndjenjë dhe mënyra se si arrihet kjo kënaqësi janë dhënë shumë versione nga filozofë të ndryshëm, ndërsa në botë ekziston një vend i cili njihet si vendi më i lumtur në botë sipas raportit botëror të lumturisë. Për të katërtin vit radhazi Finlanda është vendi më i lumtur në botë, ndërsa më pas vjen Danimarka, Zvicra, Islanda dhe Holanda.

Ajo çfarë bëhet me dije është se vendi nordik e gëzon këtë status, pasi faktor kryesor është besimi i popullsisë tek komuniteti i tij. Sipas ekspertëve të lumturisë, ky element që gëzohet nga banorët e Finlandës, kontribuon në mirëqenien e personave.

Të gjitha vendet nordike u renditën në 10 vendet e para të listës si vende të lumtura, ndërsa Estonia ishte e 28-ta dhe Rusia e 60-ta, nga 149 kombe. Britania e Madhe ra nga vendi i 13-të në të 17-të, ndërsa SHBA ishte në vendin e 19-të. Ndërkohë sipas Jeffrey Sachs sekreti i lumturisë është se të gjithë synojnë mirëqenie dhe jo pasuri.