Tjetër skandal/ Princi Britanik, i përfshirë në festat e përdhunimit të minoreneve

Familja Mbretërore në Britani është vënë sërish në siklet, pas një lajmi të publikuar nga mediat britanike.Në qendër të skandalit është sërish ai, Princi Andrew, i cili muaj më parë u detyrua të tërhiqet nga jeta publike dhe gjithë angazhimet e tij, për shkak të akuzave se kishte marrë pjesë në festat e miliarderit pedofil Jeffrey Epstein, ku përdhunoheshin vajza të mitura.

Epstein u vetëvra në burg, ndërsa pavarësisht akuzave ndaj tij, Andrew nuk u mor i pandehur.Por tani Andrew ka përfunduar sërish në qendër të një skandali, pasi ka marrë pjesë në festat e manjatit 78-vjeçar, Peter Nygard.Ky i fundit akuzohet se ka përdhunuar minorene, duke iu premtuar atyre se do t’i bëjë modele.

Nygard i ka dehur me verë dhe i ka droguar në vilën e tij në Bahamas, para se t’i përdhunonte dhe të kryente me to “akte devijuese”.Në vilën e Nygard në Bahamas ka qenë pikërisht edhe Princ Andrew, por për momentin nuk dihet nëse është përfshirë në përdhunimet masive.

Andrew raportohet se në një rast, ka qenë në vilën e Nygard bashkë me gruan dhe vajzat e tij.Në dosjen prej 99 faqësh, manjati Nygard akuzohet se ka përdorur vilën e tij me dhjetëra dhoma, për festa seksi me vajza të rekrutuara nëpër qendra tregtare apo evente mode.

Ai dhe punonjësit e tij iu premtonin atyre se do t’i bënin modele, por pasi ftoheshin në vilë, ato deheshin me verë dhe drogoheshin, para se të përdhunoheshin.Tre nga denoncueset ishin vetëm 14-vjeç.Ato ishin të virgjëra dhe duhet të marrin trajtim mjekësor, për shokun psikologjik që kanë pësuar. Nygard, pasuria e të cilit vlerësohet 690 milionë euro, disa prej vajzave të përdhunuara i përdoret si skllave seksi.

Ai i merrte ato me avionin e tij personal, gjatë udhëtimeve që bënte në Itali, Francë, Londër, Kinë etj. Tashmë janë dhjetëra femra që kanë ngritur padi ndaj tij, dhe vështirë se mund t’i shpëtojë burgut.