Trump-Johnson, bisedë telefonike: Vëllazëri dhe tregëti e lirë

Presidenti i Shteteve të Bashkuara, Donald Trump ka uruar Boris Johnsonin për marrjen e detyrës si kryeministër i ri i Britanisë së Madhe.

Trump u tha gazetarëve se kishte zhvilluar një bisedë telefonike me kryeministrin Johnson.

Sipas Trump, ata kishin biseduar për tensionet e fundit me Iranin dhe për nevojën që Uashingtoni dhe Londra të punojnë së bashku për këtë çështje.

Trump tha gjithashtu se Uashingtoni dhe Londra tashmë kanë nisur të punojnë drejt një marrëveshjeje për tregti të lirë ndërmjet dy vendeve.

Johnson u bë kryeministër i Britanisë pasi paraardhësja e tij, Theresa May nuk arriti që të nxjerr vendin nga Bashkimi Evropian, pasi Parlamenti britanik refuzoi marrëveshjen e arritur me Brukselin.