Turqia njofton detaje mbi vaksinat antiCOVID, 2 doza me 28 ditë diferencë

Ministri i Shëndetësisë, Fahrettin Koca, deklaroi të mërkurën se Turqia do t’i bëjë vaksinat joaktive të koronavirusit ri në 2 doza, me 28 ditë diferencë.

“Stafi shëndetësor dhe shtëpitë e pleqve do të marrin të parët vaksinat. Vaksinat joaktive të koronavirusit ri do të bëhen në 2 doza, me 28 ditë diferencë”, shkroi Koca në rrjetin social “Twitter”, pas një takimi virtual të Komitetit Shkencor për Koronavirusin.

Ai shtoi se autoritetet po planifikojnë që ta menaxhojnë programin e vaksinimit në qendrat shëndetësore familjare, spitalet publike, private dhe universitare.

Fahrettin Koca bëri me dije se vaksinimi në Turqi do të fillojë në vitin 2021, të cilin Organizata Botërore e Shëndetësisë (OBSH) e quajti Viti Ndërkombëtar i Punonjësve të Shëndetit dhe Kujdesit, duke vaksinuar punonjësit e kujdesit shëndetësor si një hap i parë drejt kalimit në masat parandaluese kundër COVID-19.