Uashingtoni i bën thirrje aleatëve të instensifikojnë luftën kundër ISIS

Uashingtoni i bëri thirrje dje aleatëve të tij për të instensifikuar përpjekjet kundër grupit të Shtetit Islamik (ISIS), duke u shprehur i gatshëm në përfshirjen e helikopterëve sulmues kundër xhihadistëve për të mbështetur forcat e sigurisë irakiane në qytetin e Ramadit, në perëndim të Bagdadit. Forcat e sigurisë irakiane po përpiqen prej disa muajsh të largojnë ISIS-in nga Ramadi, kryeqendra e provinces Al-Anbar, kufi me Sirinë, duke mundësuar prej dy ditësh rimarrjen e kontrollit në lagjen kryesore të qytetit. Por ndërsa forcat e rendit kanë konsoliduar pozicionet e tyre, ISIS-I është kundërpërgjigjur me anë të një sulmi në Bagdad, duke e demonstruar rrezikun nga xhihadistët megjithëse larg vijës së frontit.