VIDEO/Avioni përfshihet nga flakët në aeroportin e Çikagos, 20 të plagosur

Të paktën 20 persona janë lënduar pasi një avion i kompanisë ajrore “American Airlines” ka marrë flakë teksa ndodhej në pistën e Aeroportit ndërkombëtar “O’Hare” të Çikagos.

Mediat vendase raportojnë se avioni me 161 pasagjerë në bord është përfshirë nga flakët menjëherë sapo ka tentuar të ngrihet nga pista.

Në avionin e përfshirë nga flakët shihen shtëllunga tymi të zi dhe njerëz që nxitojnë të largohen.

Menjëherë në vendngjarje kanë mbërritur forcat zjarrfikëse për neutralizimin e flakëve. Shkak i zjarrit paraprakisht dyshohet një defekt në motor.