Në këtë situatë ku sezoni është në pikun e tij, mjetet janë duke qëndruar në korsinë e shpejtësisë, ndërkohë që korsia tjetër është totalisht bosh.
Kjo sjellje e drejtuesve të mjetit, që bllokojnë korsinë e shpejtësisë bëhet shpeshherë shkak i burimit të aksidenteve sipas ekspertit rrugor Arben Luzi.
Një tjetër problematikë në rrugët interurbane të Shqipërisë siç është kjo e Tiranë-Durrës janë edhe korsitë e shpejtimit dhe ngadalësimit, që mundësojnë hyrjen dhe daljen nga rrugët dytësore.
Në shumicën e rasteve këto korsi janë tepër të shkurtra dhe nuk i jep shoferit mundësinë të marrë shpejtësinë e duhur.
