Stefano Pioli mund të buzëqesh në prag të super duelit ndaj Juventusit. Theo Hernandez, i cili ka qenë i dëmtuar prej disa ditësh për shkak të një dëmtimi muskulor, është rikthyer në stërvitje me skuadrën.
Mbrojtësi është një rikthim shumë i rëndësishëm për kuqezinjtë, pasi futbollisti francez cilësohet si i pazëvendësueshëm në formacionin e Milanit.
Kuqezinjtë kërkojnë të harrojnë sa më parë humbjen e thellë 3-0 në Champions kundër Chelsea-t dhe për ta bërë këtë gjë duhet të marrin një rezultat pozitiv në duelin e radhës ndaj Juventusit. /R.Lika-Koha Jonë/
