Danimarka është gati për të sfiduar Anglinë në shtëpinë e këtyre të fundit për të shkruar historinë. Kombëtarja skandinave do të përballet në Wembley të mërkurën në mbrëmje me Anglinë në gjysmëfinalen e Euro 2020. Mbrojtësi i Chelsea-t Andreas Christensen ka sfiduar “Tre Luanët”.
“Është stadiumi i ndeshjeve të rëndësishme dhe nuk do të ketë shumë danezë për këtë sfidë Do të jemi në inferioritet numerik dhe kjo është një gjë me të cilën duhet të përballemi. Presim me padurim që të vijë ndeshja dhe jemi të emocionuar, por do të jetë e vështirë pasi kemi kundër një stadium të tërë të cilin duhet ta heshtim”, ka shtuar Christensen.
