Kingsley Coman nuk ka ndërmend që të rinovojë kontratën me Bayernin dhe me shumë mundësi në sezonin tjetër do të nisë një aventurë të re. Kontrata e 24-vjeçarit me klubin bavarez skadon verën e 2023-shit dhe për të mos e humbur me parametra zero, gjermanët janë gati të dëgjojnë ofertat në drejtim të tij këtë verë, duke qenë se adhuruesit nga kampionati anglez nuk i mungojnë.
Coman u kërkua që këtë verë nga Chelsea e Liverpool në kampionatin anglez, por Bayerni rezistoi, duke ngritur ndjeshëm pretendimet për kartonin e tij. Marrëveshja mund të arrihet verën e ardhshme, për një shifër prej jo më shumë se 35-40 milionë eurosh.