Emmanuel Macron, pas fitores në zgjedhjet presidenciale për një mandat të dytë, ka dalë në terren, por është goditur me domate. Macron zhvilloi një takim me shitësit në një treg në Cergy, kur dikush nga turma hodhi disa domate në drejtim të tij.
Domatet në fakt nuk arritën të qëllonin presidentin francez, por një person që ishte i pranishëm në takim. Menjëherë kanë ndërhyrë rojet e tij të sigurisë të cilët hapën një çadër për të mbrojtur presidentin nga sulmet e mëtejshme dhe më pas e larguan Macron nga vendi i ngjarjes.
Presidenti francez Emmanuel Macron mundi rivalen e tij, Marine Le Pen të dielën me një diferencë të madhe votash.
