Debat sërish në Kuvend për çështjen se kush është kreu i grupit parlamentar të PD-së në Parlament. Kryetari i grupit parlamentar të PD-së, Gazmend Bardhi tha se kryetarja e Kuvendit, Lindita Nikolla ka ndryshuar listën e diskutimeve. Ndërkohë Nikolla njoftoi kryesinë e re të PD, Bardhi i tha “Na i ke sjellë në parlament për të na provokuar”.
“Kam kërkuar konsulencë juridike. Ua kam vënë në dispozicion juristëve. Nëse do të jetë e nevojshme do të kërkoj ndihmën e këshillit dhe Rregulloreve e Mandateve”,-tha Nikolla.
Debati nisi pasi kryetarja e Kuvendit, Lindita Nikolla lexoi një shkresë të depozituar nga Gazment Bardhi, i cili pretendon se nuk ka asnjë ndryshim, pra se kreu i grupit nuk ka ndryshuar dhe se është ai kryetari, PD zyrtare pretendon krejt të kundërtën.
Bardhi: Ka 10 ditë e thotë po pres konsulencën juridike. Doni të na diktoni 50 deputetëve të opozitës që nuk do e zgjidhni ju kryetarin tuaj, por ne. Prandaj ke thirrur në konsultim kryetarin e PS. Nënkryetarin e parlamentit Felajn.
Nikolla: Mos rrini tek vrima e çelësit.
Bardhi: Duhej të prisje kryetarin e grupit PD e të mos presësh lloj lloj zari në zyrë.
