Kryetarja e Komisionit të Edukimit, deputetja e PD-së Flutura Açka foli këtë të martë në mbledhjen e Komisionit të Edukimit, ku u diskutua projektligji për studentët e Mjekësisë.
Ndër të tjera ajo tha se ky ligj që detyron studentët që të punojnë deri në 5 vite në vend, dhe më pas të pajisjen me diplomë, do të jetë vetëm për oligarkët.
“Po bëjmë një ligj për oligarkët. Do të kalojë ky ligj. Unë këtu jam spektatore dhe ju kërkoj ndjesë. Jam spektatore dhe më vjen shumë keq. Ambalazhi është aq i bukur, sa të bie të fikët nga bukuria, por ajo që është pas nuk është dhe aq”,-tha Açka.
