Edhe pse rinovoi në verë, raportet mes Kylian Mbappe dhe PSG janë gjithmonë e më të këqija. Metodat e trajnerit Christophe Galtier si dhe zënkat me Neymar e Lionel Messi, duket se i kanë ardhur në majë të hundës sulmuesit francez që nuk i kanë pëlqyer disa vendime të klubit.
Mbappe nuk mund të transferohet te Real Madrid, të paktën në janar teksa opsion për merkaton dimërore është vetëm Liverpool. “The Reds” shprehën interesimin për 23-vjeçarin edhe në merkaton e verës, por me Real Madrid të përfshirë, klubi anglez u detyrua të tërhiqej.
Nëse largimi ndodh në janar, Liverpooli është më i avantazhuar se Reali, ndërkohë që në verë, më pas do të ishin madrilenët më favorit. PSG dhe Mbappe është thyer përfundimisht dhe nuk ka më kthim pas teksa është vetëm çështje kohe momenti se kur sulmuesi do të largohet nga kryeqyteti francez.
