Një adoleshent shqiptar rezulton i zhdukur që prej 20 gushtit të këtij viti në Angli.
Daniel Gjinaj, 17 vjeç, u pa për herë të fundit pasditen e së enjtes 20 gusht duke lënë një adresë në Worthing.
Thuhet se ai ka udhëtuar me tren për në Brighton, dhe mendohet të jetë akoma në zonën e Brighton dhe Hove.
Mediat britanike shkruajnë se Danieli përshkruhet me strukturë të hollë dhe me flokë të zinj të rruara.
Kur u pa për herë të fundit, ai kishte veshur tuta blu dhe bluzë të bardhë, shkruajnë mediat vendase.