Në shumë mënyra, ne jemi pjesë e ekonomisë botërore! Kur ne pijmë kafenë e importuar në mëngjes, kur përdorim një CD të prodhuar jashtë ose kur shkojmë me pushime, ne po marrim pjesë në rritjen e botës së tregtisë dhe financës ndërkombëtare.
Dhe nuk është vetëm si konsumator i të mirave materiale dhe i shërbimeve të huaja që ne jemi pjesë e ekonomisë botërore. Paratë që fondi ynë i pensioneve apo dhurimet e parave për shkollim që fitohen nga investimet globale mund të jetë realisht duke paguar për pensionin tonë apo për ndërtime të reja në kampuse universitare.
Investimet e huaja në prona apo në kompani vendase mund të garantojnë punët e kërkuara për miqtë tanë dhe familjet.
Deri edhe sportisti vendas që ka nënshkruar një kontratë për të luajtur jashtë është pjesë e zgjerimit të ekonomisë globale.
Ekonomia botërore konsiston në të gjitha këtë interaktivitet mes njerëzve, biznesve dhe qeverisë që tejkalon kufinjtë ndërkombëtarë, madje edhe ato legalë. Nëse ne blejmë drogë, ose i bashkohemi luftës kundër drogës duke asistuar fermerët latino-amerikanë për të zëvëndësuar me bimë ushqimore ato të kokainës, ne bëhemi pjesë e ekonomisë botërore.
Ne e përdorim gjithashtu ekonominë botërore për të arritur objektiva specifike politike ose ekologjike, kur ne vendosim sanksione ekonomike për të luftuar abuzimet që bëhen me të drejtat e njeriut ose për të ndaluar vrasjen e paligjshme të specieve të zhdukura në vendet e tjera.
Praktikisht, çfarëdo që kalon përtej kufinjve, qofshin ato të mira materiale, shërbime apo fonde, janë pjesë e ekonomisë botërore. Importet e ushqimeve, eksportet e automjeteve, investimet globale, deri edhe shërbimet si filmat apo turizmi, i shërbejnë secilës ekonomi ndërkombëtare të një vendi.
Pershtati në shqip: SCAN