Ministrja e Bujqësisë dhe kandidate e Partisë Socialiste në listën e hapur për qarkun e Tiranës, Anila Denaj, ka zhvilluar një takim me banorët e Njësisë 13 në kryeqytet, duke theksuar rëndësinë e zgjedhjeve të 11 majit për procesin e integrimit të Shqipërisë në Bashkimin Evropian.
Në një postim në rrjetet sociale, Denaj shprehet: “Me banorë të Njësisë 13 që e duan zhvillimin dhe të ardhmen europiane, për votën historike më 11 Maj që garanton integrimin e Shqipërisë në Bashkimin Evropian. Voto 5”.
Gjatë fushatës së saj, Denaj ka theksuar se çdo votë për Partinë Socialiste është një mbështetje për reformat e ndërmarra dhe për përparimin drejt anëtarësimit në BE. Ajo ka zhvilluar takime me qytetarë dhe biznese në Njësinë 13, duke diskutuar për arritjet e deritanishme dhe sfidat e ardhshme.
