Milani do të zbresë sërish në fushë pa yllin e tij, Rafael Leao. Pas mungesës në ndeshjen hapëse të kampionatit ndaj Cremoneses, sulmuesi portugez nuk do të jetë në dispozicion as për sfidën e së premtes në orën 20:45 ndaj Lecce.
Leao nuk është rikuperuar plotësisht nga një dëmtim në pulpën e këmbës së djathtë dhe stafi teknik nuk dëshiron të rrezikojë duke e futur në lojë para kohe. Synimi është që ai të pushojë gjatë pushimit të kombëtareve dhe të rikthehet në formë të plotë pas dy javësh stërvitje intensive në Milanello.
Në pritje të sfidës në “San Siro” kundër Bolognas më 14 shtator, trajneri Massimiliano Allegri përballet me një problem serioz. Humbja befasuese në shtëpi ndaj Cremoneses në javën e parë zbuloi dobësitë e skuadrës, veçanërisht mungesën e kreativitetit dhe shpejtësisë që Leao i ofron sulmit.
Për sfidën ndaj Lecce, Allegri planifikon të formojë një dyshe sulmuese me Gimenez dhe Pulisic, ndërsa në mbrojtje De Ëinter pritet të zëvendësojë Gabbian. Në mesfushë, Luka Modric do të ketë sërish rolin e dirigjentit, me shpresën që të ndriçojë lojën e një Milani që aktualisht duket i zbehtë dhe pa ide.