Florian Marku do të sfidojë të shtunën Maxim Prodan për brezin e kampionit në International Boxing Federation. Dueli është ndezur që ditën e sotme në konferencën e prezantimit. Dy boksierët kanë ofenduar njëri-tjetrin dhe kjo e ka bërë Markun më shumë gjaknxehtë.
Në momentin që ai u nis për te kundërshtari ndërhynë rojat e sigurisë që bënë të mundur largimin e tij nga salla.
“Me ndihmën e Zotit do ta rrëzoj knock out dhe do t’i flas kur të jetë pa ndjenja. Mund të luftojmë këtu nëse do. Le të duelojmë këtu. Hajde, luftojmë këtu. Mendon se jam se të tjerët, do ta shohësh të shtunën.
Në vendin tim do ta çoja për të më blerë patatina, ja çfarë lloj tipi është ai. Do t’ia tregoj të gjitha të shtunën. Nuk është ndeshur me asnjë si puna ime”, tha Florian Marku.
Sfida mes Markut dhe Prodan do të mbahet të shtunën në stadiumin e Tottenham.