E ardhmja e Sandro Tonali po bëhet gjithnjë e më e nxehtë në tregun e transferimeve, ndërsa sinjalet që vijnë nga Anglia tregojnë për interes të madh nga klubet elitare europiane. Mesfushori italian, protagonist i dy sezoneve shumë të mira në Premier League me fanellën e Newcastle United, është kthyer në një nga objektivat kryesore të disa gjigantëve të futbollit.
Sipas raportimeve të Tuttosport, prania e agjentit të tij Beppe Riso në tribunat e stadiumit Falmer Stadium gjatë ndeshjes mes Brighton dhe Hove Albion dhe Arsenal nuk ka kaluar pa u vënë re, duke shtuar edhe më shumë zërat për një transferim të mundshëm.
Edhe pse Juventus ëndërron ta rikthejë mesfushorin në Itali, pista më e mundshme duket të mbetet Anglia. Newcastle e konsideron Tonalin një shtyllë të projektit dhe e vlerëson kartonin e tij rreth 100 milionë euro.
Interesi më konkret vjen nga Arsenal, ku drejtori sportiv Andrea Berta është gati të bëjë një tjetër ofertë pas tentativës së muajit shkurt. Në garë është edhe Manchester United, që e sheh italianin si pasardhësin ideal të Casemiro në mesfushë.