Paris Saint-Germain regjistroi të ardhura rekord në sezonin 2024-2025 me vlerë 837 milionë euro. Kampionët në fuqi të Ligës së Kampioneve thyen rekordin e tyre të mëparshëm të të ardhurave prej 806 milionë eurosh.
Klubi i Ligue 1 gjeneroi 367 milionë euro nga të ardhurat tregtare dhe 175 milionë euro nga të ardhurat nga shitjet e biletave, me stadiumin “Parc des Princes” të shitur plotësisht për 170 ndeshje radhazi.
Sezoni 2024-2025 ishte një sezon historik pasi PSG fitoi titullin e tyre të parë të Champions League, si edhe Ligue 1, Kupën e Francës dhe Trophée des Champions. Por ekipi humbi në finalen e Kupës së Botës për Klube.
Skuadra është në pronësi të Qatar Sports Investments, që e bleu në vitin 2011. Të ardhurat nga Kupa e Botës për Klube deri në çerekfinale u përfshinë në raportin financiar të këtij sezoni, ndërsa fazat e mëvonshme do të reflektohen në rezultatet e vitit të ardhshëm.
Pavarësisht të ardhurave rekord, klubi parisien regjistroi humbje vjetore, megjithëse nuk e bëri publike shifrën. Sezonin e kaluar, PSG raportoi një humbje prej rreth 60 milionë eurosh.