Anis Mehmeti shënoi super gol në fitoren 3-0 të Ipswich Town ndaj Swansea-t. Për Mehmetin, ky gol ishte i veçantë, pasi ishte i pari përpara tifozëve të skuadrës së tij në Portman Road.
Ai ka bërë së fundmi një postim në rrjetet sociale, ku shkruan: “Goli i parë në Portman Road!
Le të vazhdojmë përpara”. 25-vjeçari, në 6 ndeshje në ekipin e ri në Championship, numëron 2 gola.
Futbollisti shqiptar nuk grumbullohet nga trajneri Sylvinho prej një kohe të gjatë, por në fakt po kalon një formë të jashtëzakonshme në Angli.