Kandidatja e LSI-së për deputete në zgjedhjet e 25 prillit në qarkun Korçë, Esmeralda Seidolli thotë se studentët përveç presionit të madh të vaksinimit me detyrim, duhet të përballen edhe me rritjen e çmimit të biletave të transportit.
Postimi i plotë
Edhe çfarë tjetër duhet të durojmë vallë?
Këtë javë që vjen me nisjen e vitit të ri akademik sikur të mos mjaftonte presioni i madh i vaksinimit me detyrim për të frekuentuar auditoret, studentët duhet të përballen edhe me rritjen e çmimit të biletave të transportit. Shto këtu rritjen e kostos të jetesës për shkak të rritjes të çmimit të shportës ushqimore.
Pa harruar faktin që po flitet për rritjen e çmimit të energjisë elektrike, në kohën kur askush nuk flet për pagat apo numrin e vendeve të punës, gjëndja e të cilave na sjell në vëmendje kushtet e mesjetës.
Edhe çfarë tjetër duhet të durojmë vallë?
