Home Aktualitet Fevziu: Beris...

Fevziu: Berisha të mbajë një rol honorifik, pasi PD-ja ka nevojë për lider të ri

1321
0

Gazetari Blendi Fevziu thotë se Sali Berisha duhet të tërhiqet nga gara për kryetar i PD-së dhe të mbajë aty një rol honorifik, në mënyrë që t’i hapë rrugën ardhjes së një lideri të ri në këtë parti. Fevziu tha se PD ka nevojë urgjente për hapjen ndaj të rinjve, intelektualëve dhe grave, sepse kjo parti është defiçente në këto kategori.

“Unë mendoj se Berisha duke luajtur një rol honorifik në PD duhet të hapte një garë, por jo duke kandiduar vetë. Edhe pse politikan i rëndësishëm, ai e mbylli karrierën e tij me dëshirën e vet në 2013.

Bëri një gabim duke anuar garën në drejtim të Bashës. Për arsye dhe të moshës, i bie të garojë në moshën 81-vjeçare. Jo se nuk ndodh. PD me Berishën ka zgjidhje afatshkurtër. Me një kandidat të ri, PD mund të shihte hapjen e një rruge më të gjerë.

PD ka nevojë për një person 35-40 vjeç. PD ka qenë e drejtuar nga ata njerëz që në 1990 kanë qënë studentë. Berisha ka dështuar me të rinjtë, ka defiçit të madh. Në përfaqësimin e grave ka defiçit të madh. PD nuk ka prodhuar figura të mëdha të rëndësishme”, tha Fevziu i ftuar në emisionin “Të Paekspozuarit” në ”MCN TV”.

Mbajtja e një roli honorifik në PD nga Berisha do të rrëzonte edhe lojën e Bashës. Ndaj Berisha ka nevojë të bindë veten se duhet ulur në përbashkim me një emër të ri që do fitojë votat e anëtarsisë.

 

LAJMET KRYESORE

Të përzgjedhura

Më shumë nga Kryesore

Me shume nga Kryesore

Lajmet e Fundit

Te Fundit