Zv.ministri i Brendshëm, Julian Hodaj tha se finalja e ”Conference League” do e kthejë kryeqytetin si në ditën pa makina duke kërkuar kështu mirëkuptimin e qytetarëve për një nga evenimentet më të rëndësishme sportive që zhvillohet në Shqipëri.
Teksa tha se data 25 maj është ditë pushimi për administratën si ditë feste, dha detaje dhe për lëvizjen e automjeteve. Sa i përket qarkullimit të mjeteve mësohet se policia ka miratuar një hartë e cila do të bëhet publike.
Në të parashikohen akset e lëvizshme në Tiranë por edhe zona e kuqe kryesisht pranë Arenës Kombëtare si dhe akset lidhëse që të çojnë drejt saj. Kufizime pritet të ketë dhe për hyrjen në Tiranë, por jo për daljen e saj.
