Një aksident ka ndodhur pasditen e sotme tek mbikalimi i Kamzës në Tiranë. Në aksident janë përfshirë tre mjete, ndërsa siç duket edhe nga fotot e siguruara nga Panorama, një nga makinat është përmbysur në mes të rrugës.
Si pasojë e aksidentit, policia thotë se janë lënduar 2 persona, jashte rrezikut per jeten.
Ndërkohë në vendin e ngjarjes kanë shkuar forca të shumta policie dhe po punojnë për zbardhjen e rrethanave të aksidentit.
NJOFTIMI I POLICISE
Rreth ores 17:10, në autostradën Vorë-Tiranë, tek mbikalimi i Casa Italias, janë përplasur 3 mjete. Si pasojë janë lënduar lehtē drejtuesi i një prej mjeteve dhe një pasagjer, pa probleme për jetën.
Grupi Hetimor po punon për sqarimin e rrethanave të aksidentit.
Shërbimet e Policisë Rrugore vijojnë punën për normalizimin e qarkullimit.
