Këngëtarja me origjinë shqiptare, Bebe Rexha ka treguar gjendjen e saj, pas sulmit që ju bë gjatë një koncerti. Teksa thotë se është mirë, këngëtarja ka ndarë në Insatgram, edhe foto të gjendjes në të cilën është fytyra nga goditja që mori.
Këngëtarja mbajti të dielën në Nju Jork një koncert dhe teksa performonte në skenën e tejmbushur, ajo u godit me një celular në fytyrë nga një prej të pranishmëve në turmë.
Artistja po i drejtohej pjesës së përparme të skenës duke bërë me duar simbolin e shqiponjës, në momentin kur celulari fluturon me shpejtësi në drejtim të saj. Bebe goditet drejt e në fytyrë dhe pas një momenti tronditjeje, ajo bie në gjunjë me kokën ulur, ndërsa anëtarë të shumtë të stafit nxitojnë për ta ndihmuar.
