Ditën e sotme, janë zhvilluar zgjedhjet për Kreun e PD-së, për katër vitet e ardhshme. Kandidatë në garë kanë qenë Fatbardh Kadilli, Edit Harxhi, Agron Shehaj dhe Lulzim Basha.
Teksa procesi i votimit është mbyllur ka nisur ai i numërimit.
Ndërkohë në një fletë votimi të siguruar nga Ora News, shihet se një anëtar nuk ka votuar për asnjë nga kandidatët, por poshtë emrave ka shtuar dhe emrin e Sali Berishës, duke lënë të nënkuptohet që do në krye të PD-së, ish-kryeministrin, dhe vota e tij shkon vetëm për të.
Pas 11 orësh, procesi i votimit për zgjedhjet për kryetarin e Partisë Demokratike, është mbyllur në orën 19;00
75 mijë anëtarë demokratë ishin thirrur për të votuar në 76 qendra votimi, por deri më tani nuk dihet se sa ka qenë pjesëmarrja.
PD shkoi në zgjedhje për kreun e ri pas humbjes në zgjedhjet parlamentare të 25 prillit, ku PS e kryesuar nga Edi Rama siguroi mandatin e tretë qeverisës me 74 mandate.
