Gjithmonë e më shumë, fshatrat e Shqipërisë po zbrazen. Në Sirikat të Sarandës jetojnë vetëm dy familje. Fshatit i kanë mbetur 5 banorë, më i riu ndër ta 34 vjeç ndërsa të tjerët janë të moshuar.
I braktisur nga banorët, fshati nuk i intereson më as politikës, përfaqësuesit e së cilës nuk trokasin më në dyert të kërkojnë votën. “Më parë vinin, tani jo. S’ka njerëz këtu”.
Mungesa e investimeve dhe vëmendjes së qeverive ndër vite ka nxitur emigrimin dhe shpopullimin e zonave rurale.
Fshati Sirikat është ndër të shumtët që rrezikon të mbetet pa banorë e në një të ardhme pa emër e histori.
