Këngëtarja shqiptare me famë botërore, Rita Ora është anëtare e jurisë në spektaklin e shumë shikuar britanik ”The Masked Singer”.
Duket se në një prej episodeve të këtij spektaklit, Rita ka bërë një gafë të madhe duke përmendur si person të mundshëm të fshehur pas maskës një person të vdekur. Ajo pretendoi se boksieri i ndjerë Muhammad Ali i cili ndërroi jetë në vitin 2016, ishte brenda një prej kostumeve të një prej konkurrentëve.
Prezantuesi i programit Joel Dommett zbuloi se Rita Ora bëri një supozim kaq të çuditshëm në programin “The Masked Singer” saqë u desh të hiqej nga emisioni. “Kjo është klasike për Rita Orën. Mund të ketë qenë sezoni i parë, ndoshta sezoni i dytë i spektaklit. Dikush po këndonte, nuk mbaj mend se kush ishte, dhe ajo vërtet pa asnjë shaka në prapavijë, ky ishte supozimi i saj serioz. Ajo mendoi se ishte Muhammad Ali”.
