Ish-deputeti i PD-së, Genc Pollo e cilëson si lajm të mirë vendimin e Lulzim Bashës për dorëheqjen si kryetar. Për të, në këto kushte deputetët demokratë lipset të bashkohen të tërë rreth PD reale, legjitime dhe elektorale.
Postimi i plotë
Një lajm i mirë sot për demokratët e për demokracinë do të kishte qenë largimi nga zyra në respekt të rregullave e sidomos në respekt të shumicës në parti dhe në elektorat. Kjo do e unifikonte plotësisht Partinë Demokratike rreth organeve të legjitimuara.
Lojërat me “hapa pas” e me dorëheqje me kushte e me “trille” janë vazhdim me mjete të tjera i refuzimit të parimeve demokratike që kemi parë nga viti i shkuar.
Në këto kushte deputetët demokratë lipset të bashkohen të tërë rreth Partisë Demokratike reale, legjitime dhe elektorale.
