Gjatë konferencës me gazetarët, sekretari i Përgjithshëm i PS Damian Gjiknuri foli edhe për procesin e gjenerimit brenda partisë. Ai deklaroi se kryeministri Edi Rama nuk e ka mbaruar ciklin e tij pasi shqiptarët i kanë dhënë një mandat për të drejtuar vendin.
“Partia Socialiste do ta bëjë vendin për një president më të mirë se modeli që kishim. Çdo lloj emri që do të dalë do të jetë një emër më i mirë se ata që kemi pasur herët e fundit. Forcave politike ndryshimi u vjen nga vota popullore. Rigjenerohen për të përmirësuar veten. Edi Rama nuk e ka mbaruar ciklin e tij. Jo se është dëshira e tij por sepse këtë mandat i kanë dhënë shqiptarët. Janë qytetarët shqiptarë ata që vendosin kush del në pension dhe kujt i ka ardhur koha të ikë nga drejtimi i një force politike. Pavarësisht se opozita e ka këtë dëshirë nuk do i plotësohet për një kohë të gjatë”, tha Gjiknuri.
