Atalanta pësoi një disfatë me shifrat 1-0 në transfertë ndaj Salernitanës teksa bergamaskët morën një goditje të rëndë në ambiciet e tyre për vendin e katërt në kampionat.
Por, për trajnerin Gian Piero Gasperini nuk ishte vetëm disfata një lajm negativ pasi në minutën e 70-të të ndeshjes, Berat Gjimshiti pësoi një dëmtim dhe u detyrua të linte para kohe fushën e blertë.
Mbrojtësi i kombëtares pati një problem në këmbën e djathtë dhe tashmë mbetet për t’u pritur përgjigja e analizave për të kuptuar nëse bëhet fjalë për një dëmtim të rëndë apo jo.
Ky aktuali ka qenë një sezon i pafat për Gjimshitin pasi kujtojmë se mbrojtësi ishte rikthyer i gatshëm vetëm para disa ndeshjeve pasi vuante një tjetër dëmtim.