Gjykata Kushtetuese ka rrëzuar një kërkesë të ish-prokurores Rovena Gashi, për të hedhur poshtë procesin ndaj saj në Kolegjin e Posaçëm të Apelimit.
Kjo pasi kolegji e shkarkoi në mënyrë përfundimtare nga detyra në 29 maj të vitit 2019, pasi bashkë me babanë nuk mbulonte me të ardhura të ligjshme një pasuri me vlerë 930 mijë USD.
Vendimi i Kushtetueses është marrë në dhomë këshillimi në 28 shtator të këtij viti nga Vitore Tusha, Marsida Xhaferllari, Fiona Papajorgji, Altin Binaj, Përparim Kalo, Sonila Bejtja dhe Elsa Toska.
