Gjykata Sportive në Itali ka marrë vendimet për ndeshjet e fundjavës. Mbrojtësi Alessandro Bastoni është dënuar me dy javë për shkak të shprehjeve fyese të përdorura në derbi dhe që janë konstatuar nga një nga asistentët e gjyqtarit.
Trajneri Simone Inzaghi për shkak të “shprehjeve jo serioze dhe mungesë të respektit ndaj arbitrit” është dënua me një javë. Lautaro Martinez është gjobitur me 10 mijë euro për shkak të një sherri me Theo.
Në shtëpinë e Milanit ndërkohë është konfirmuar me një javë ndëshkimi i Theo Hernandez, që doli me karton të kuq dhe i një prej anëtarëve të stafit të Piolit, Davide Lucarelli. Te Roma ndërkohë është dënuar me një javë Zaniolo. /R.Lika-Koha Jonë/
