Një gjykatës e ka paralajmëruar ish-Presidentin Donald Trump që të përmbahet nga retorika që mund të nxisin ose shkaktojnë trazira civile. Zoti Trump tha në gjykatë se ishte “i pafajshëm” lidhur me 34 akuzat e ngritura ndaj tij, ndërsa gjykatësi e njohu atë me të drejtat që gëzonte.
Gjykatësi Juan Merchan gjithashtu e paralajmëroi zotin Trump se ai mund të përzihej nga salla e gjyqit nëse shkelte rregullat e gjykatës. Zoti Trump foli vetëm disa herë në përgjigje të pyetjeve të drejtuara.
Ish-Presidenti Trump do të paraqitet përsëri në gjykatë në muajin dhjetor, ndërsa avokatët e tij kërkuan që ai të mos merrte pjesë personalisht në seancë për shkak të procedurave të jashtëzakonshme të sigurisë./VOA/
