Ish-krerët e Ushtrisë Çlirimtare të Kosovës këtë të hënë dolën para trupit gjykues në seancën fillestare të gjykimit të tyre, kjo pas qëndrimit prej më shumë se 2 vitesh në paraburgim.
Hashim Thaçi, Kadri Veseli, Rexhep Selimi e Jakup Krasniqi të akuzuar për krime lufte e krime kundër njerëzimit u deklaruan të pafajshëm për akuzat që rëndojnë mbi secilin prej tyre.
Prokuroria Speciale po ashtu insiston në faktin se UÇK kishte një hierarki e cila ishte në dijeni të të gjitha krimeve që kryheshin e që nuk kishte marrë masa për t’i parandaluar. E nga mbrojtja e viktimave u kërkuar edhe kompensim, duke shtuar se dëmi që kanë përjetuar vazhdon edhe sot e kësaj dite.
Ish-presidenti Hashim Thaçi, ish-kryetarët e Kuvendit, Kadri Veseli e Jakup Krasniqi dhe ish-deputeti, Rexhep Selimi po gjykohen nën akuzën për krime lufte dhe krime kundër njerëzimit. Në këtë gjyq të madh, do të thirren 300 dëshmitarë.
