Policia e Fierit ka vënë në pranga 38-vjeçarin H.K., pasi ishte shpallur në kërkim për shpërdorim detyre. Sipas policisë 38-vjeçari ka vjedhur xhiron ditore në pikën e karburantit ku ishte i punësuar.
Njoftimi i Policisë
Vijon puna për kapjen e shtetasve të shpallur në kërkim.
Gjatë operacionit policor të koduar “Fraud”, u kap dhe u vu në pranga një shtetas që vodhi xhiron ditore në karburantin në të cilin ishte i punësuar.
Specialistët e Seksionit për Hetimin e Krimit Ekonomik e Financiar në DVP Fier, në bashkëpunim me shërbimet e Komisariatit të Policisë Fier, në vijim të punës për kapjen e shtetasve të shpallur në kërkim, gjatë operacionit policor të koduar “Fraud”, bënë të mundur lokalizimin, kapjen dhe ndalimin e shtetasit H. K., 38 vjeç, banues në Fier.
Ky shtetas ishte shpallur në kërkim pasi në datën 10.06.2022, duke shpërdoruar detyrën, ka vjedhur xhiron ditore në pikën e karburantit në të cilin ishte i punësuar.
—
Specialistët për Hetimin e Krimeve në Komisariatin e Policisë Lushnjë arrestuan në flagrancë, për veprën penale “Dhuna në familje”, shtetasin B. B., 44 vjeç, banues në Lushnjë, pasi ka ushtruar dhunë ndaj djalit të tij të mitur.
