Sonte në mbrëmje do të luhet një ndeshje shumë interesante mes Manchester United dhe Atalantës. Bergamaskët që nga dje kanë zbarkuar në Manchester për të zhvilluar përgatitjet e fundit, por në qendrën stërvitore të rivalëve të qytetit, City-it.
Trajner Gasperini ka pasur një takim edhe me trajnerin Pep Guardiola, i cili e ka mirëpritur në qendrën stërvitore. Ata kanë ndarë mendimet mes tyre, teksa strategu spanjoll jo në pak raste nuk i ka kursyer elozhet për Atalantën.
Fotoja e Guardiolës dhe Gasperinit është bërë virale në media të ndryshme, duke e interpretuar si takim ku spanjolli i jep këshilla për të vendosur në vështirësi Manchester United. /R.Lika-Koha Jonë/
