Marcelo Brozovic nuk bën pjesë në planet e trajnerit Simone Inzaghi për sezonin e ardhshëm. Nga shitja e kroatit mund të vijnë paratë për të përforcuar mesfushën me elementë të tjerë si Frattesi dhe Milinkovic-Savic që janë dy nga alternativat e para.
Interi ka vendosur çmimin e kartonit të kroatit dhe Brozovic mund të largohet nëse paguhen 25-30 milionë euro. 30-vjeçari kërkohet nga Neëcastle dhe disa klube arabe dhe shitja e tij do të ulte edhe shpenzimet e pagave në kampin zikaltër.
Milinkovic-Savic mund të jetë zëvendësuesi perfekt, teksa kujtojmë se Inzaghi ka punuar më parë me mesfushorin serb, ndaj dhe adaptimi me lojën e zikaltërve do të jetë më i thjeshtë.