Studentët e Universitetit të Mjekësisë kanë vijuar edhe këtë të hënë me bojkot dhe janë ngritur sërish në protestë.
Me bluza të bardha, janë mbledhur para ambienteve të universitetit. Këtë javë u janë bashkuar edhe studentët e vitit të parë.
Ligji i ri, i miratuar me procedurë të përshpejtuar në parlament, i detyron mjekët e sapodiplomuar të japin shërbimin e tyre në Shqipëri për një periudhë 5-vjeçare, para se ata të marrin diplomën për përfundimin e studimeve të tyre.
Studentët e kanë kundështuar këtë ligj dhe çështja ka kaluar në Gjykatën Kushtetuese.
