Armando Broja nuk ishte lajmi i vetëm i mirë mbrëmjen e djeshme, pasi edhe Keidi Bare u bë protagonist në përballjen mes Espanyolit dhe Racing Ferrol.
Mesfushrori kuqezi dha asistin për golin e parë, që u shënua nga Braithwaite. Espanyol arriti që të fitonte 3-0, ndërkohë që Bare u paraqit mjaft mirë.
Mesfushori kuqezi luajti për 57 minuta, teksa u zëvendësua nga trajneri për shkak se në pjesën e parë u ndëshkua me karton të verdhë. Fieraku ka luajtur 7 ndeshje këtë edicion, prej të cilave 5 i ka nisur nga minuta e parë.
27-vjeçari u vizitua para ndeshjes nga trajneri i Kombëtares së Shqipërisë, Sylvinho, i cili me shumë gjasa do ta ketë pjesë të listës për ndeshjen kualifikuese me Çekinë dhe miqësoren me Bullgarinë, që do të luhen në mesin e këtij muaji.