Nënkryetari i Partisë Demokratike, deputeti Oerd Bylykbashi ka treguar sesi do të vijojë beteja opozitare. Përveç protestave, ai thotë se selia e blu po organizohet për zgjedhjet lokale.
Mirela Milori: Kur fillon protesta e PD? Kur do filloni kalendarin, kur do fillojë një oponencë tashmë e dukshme edhe në rrugë?
Oerd Bylykbashi: Oponencën e ke absolutisht të dukshme. Gjatë gushtit PD-ja ka vijuar aktivitetet.
Mirela Milori: Jemi në vjeshtë!
Oerd Bylykbashi: Nuk kemi vetëm axhendën e protestave, kemi organizimin e partisë, organizim për zgjedhjet që po vijnë, janë protestat që lidhen me çështjet që kemi ngritur dhe do të ngremë, do të jenë primaret për zgjedhjen e kandidatëve e cila është pjesë e programeve që ne do të ofrojmë për zgjedhje.
Protestat janë instrument tjetër i fuqishëm për të goditur jo vetëm situatën, por për këtë qeveri në mënyrë që kjo qeveri të bjerë, por të bjerë me votë. Për 7 muaj kemi zgjedhjet lokale. Ne do të ofrojmë modelin tonë sesi qeveriset vendi në nivel lokal për t’u treguar atyre si qeveriset në nivel kombëtar.
