Kampionati italian i futbollit është pushtuar nga polemika të shumta për shkak të situatës së krijuar nga Covid-19. Dje ishin katër ndeshje që janë shtyrë, por njëra prej tyre rrezikon të ketë një verdikt që tani. Bëhet fjalë për ndeshjen Bologna-Inter, që mund të përfundoi me rezultatin 0-3 për shkak të një pakujdesie të çuditshme të drejtuesve nga Bolonja.
Çdo ekip para çdo ndeshjeje, i dërgon arbitrit dhe ekipit kundërshtar protokollin e ndeshjes. Ekipet që panë ndeshjet e tyre të shtyra nga vendimet e autoriteteve shëndetësore lokale, nuk e paraqitën këtë dokument, por Bologna e ka bërë.
Sipas tyre bëhet fjalë për një draft paraprak që duhet të tregonte vullnetin e tyre për t’u futur në fushë, por që nuk është tërhequr kurrë, dhe si i tillë mbetet një dokument zyrtar i depozituar.
Interi u paraqit rregullisht në stadium, ky gabim mund të ndëshkohet nga Gjykatësi Sportiv me fitoren 0-3 të kampionëve të Italisë në fuqi. Interi teorikisht mund të paraqiste në ndeshjen e ardhshme me Lazion ato lojtarë të pezulluar me një javë, si turku Calhanoglu, që tani duhet ta shohë duelin nga tribuna.