Një sherr masiv mes shqiptarëve në Itali ka shkaktuar kaos në aeroportin e Perugias “San Francesco di Assisi”. Disa shqiptarë që po shoqëronin bashkatdhetarët për të hipur u takuan me një grup tjetër bashkatdhetarësh që ishin në radhë për check-in.
Për arsye ende për t’u sqaruar midis dy grupeve lindi një diskutim i cili më pas degjeneroi në një përleshje të dhunshme ku nuk u kursyen as objekte të ndryshme që ishin në aeroport.
Grupet e konfliktuara u ndaluan brenda aeroportit në pritje të mbërritjes së personelit përforcues të policisë kufitare. Tre persona mbetën të plagosur dhe morën më pas ndihmën mjekësore.
