Kryeministri Edi Rama ka paralajmëruar paraditen e sotme daljen në një konferencë të jashtëzakonshme për shtyp, ku do të shpalosë planin e qeverisë për mbrojtjen e familjeve shqiptare nga kriza energjetike dhe e rritjes së çmimeve në vend.
Përmes një postimi në facebook Rama bën me dije se në orën 15:00, do t’u paraqesë shqiptarëve planin se si qeveria parashikon të mbrojë familjet nga furtuna e krizës energjetike.
“SOT ORA 15.00/ Shqipëria përballë rritjes së shumëfishtë të çmimit në tregjet ndërkombëtare dhe Plani i Qeverisë për mbrojtjen e familjes shqiptare nga furtuna e krizës energjitike”, shkruan Rama.
Ditën e djeshme, Këshili i Ministrave shpalli gjendjen e emrgjencës për furnizimin me energji elektrike dhe tregoi masat që do të merren për përballimin e kësaj situate.
