Benet Beci mos do të pësojë fatin e Damian Gjiknurit?!
Nga Daniel Muçaku-
Benet Beci, kryebashkiaku i Shkodrës, ka takuar dje kryeministrin e Kosovës, Albin Kurti.
Në fakt duket si çudi në këto të vështira mes Edi Ramës dhe Albin Kurtit, të cilët nuk takohen, bile janë në një armiqsi të heshtur; pra që Benet Beci të shkojë te shefi i qeverisë kosovare.
Ndofta Edi Rama nuk e ka parë këto foto të Benet Becit, sepse mund ta pësojë papritur si Damian Gjiknuri, i cili priste lëvdata si sekretar i përgjithshëm i PS, që bëri gjithëatë fushatë, aq me tepër që i dha mazhorancës 7 bashki në qarkun e Elbasanit.
E meqënëse u kthyem pa dashje te ajo që ndodhi dje në Asamblenë e PS, ku u shkarkua krejt kupola e PS, e cila kishte fituar zgjedhjet në mënyrë të pa imagjinueshme; duhet ti kujtojmë Benet Becit se KUJDES!
Ke takuar “armikun” e kryeministrit Rama!
KUJDES, Benet!
Por Benet Beci si të mos mjaftohej se shkoi te Kurti ka postuar edhe një shënim për takimin ku shkruan: “Pata kënaqësi të veçantë të takoja sot në zyrën e tij Kryeministrin e Republikës së Kosovës, z. Albin Kurti.
Rëndësia e bashkëpunimit ndërmjet qytetit të Shkodrës dhe Gjakovës dhe rifuqizimi i lidhjeve historike e kulturore ndërmjet dy qyteteve tona ishte në fokus të këtij takimi.
Biseduam edhe për një projekt infrastrukturor rrugor që do të lidhë Shkodrën me Gjakovën, si një mundësi shumë e rëndësishme për zhvillimin e turizmit në këtë zonë”– përfundon Beci.
Benet!
Po vijnë kohë të vështira, kujdes mos puno shumë dhe mos tako kundërshtarët e kryeministrit!
Ndryshe shiko Damian Gjiknurin, që dje nuk dinte të gjente derën nga goditja e papritur e kryeministrit.
Nuk dihet se kush e ka radhën pas Damianit, ndaj fshi fotot që keni postuar me Albin Kurtin.
KOHA JONË SONDAZH
