Deputeti karizmatik dhe kurajoz, Erion Braçe, ka ngritur një shqetësim publik lidhur me gjendjen infrastrukturore në një zonë në njesinë Nr.5, në kryeqytet duke paralajmëruar rrezik të shtuar për banorët dhe mungesë të aksesit në raste emergjencash.
Përmes një reagimi në rrjetet sociale, Braçe ka denoncuar situatën në lagjet mes rrugëve “Margarita Tutulani”, “Marko Boçari” dhe “Ndreko Rino”, të cilat sipas tij janë kthyer në një “bllok të izoluar” për shkak të ndërhyrjeve në infrastrukturë.
Ai ka theksuar se një nga rrugicat në zonë është pa dalje, duke e bërë të vështirë qarkullimin e banorëve dhe duke krijuar konflikte mes tyre për hyrje-dalje me automjete. Sipas tij, situata përbën edhe rrezik serioz në rast emergjencash, pasi mjetet zjarrfikëse nuk kanë akses të lirë në zonë.
Reagimi i plotë i deputetit Erion Braçe:
NE #TERRITOR, SI #DEPUTET I 5✋sës
LAGJET MES RRUGËVE “MARGARITA TUTULANI”,
“MARKO BOÇARI”, “NDREKO RINO” 4;
QË ISHTE GETO DHE ËSHTË GETO, ËSHTË E QARTË!
Por këtë herë hyra këtu për një tjetër hall:
LAGJIA KA NJË RRUGË PA DALJE, HYN DHE MBETESH ATY, NUK KE KU DEL, JE I BLLOKUAR.
Nëse je thjesht banor dhe ke makinën tënde, duhet të zihesh për të hyrë dhe për të dalë, është ngushtë dhe mund të ketë përplasje.
NËSE BIE ZJARR PIQESH! JO VETËM NUK KE NGA TË SHPËTOSH, POR RREZIKON JETËN; ZJARRFIKËSJA NUK KA KU HYN. SHIHENI Ç’RRUGË KA!
I gjithë bllokimi vjen nga KËTO SHKALLË.
Në fakt, ky tunel është ndërtuar për të dalë nga lagjja, por dikush ka vendosur shkallë duke bllokuar të gjithë zonën, DUKE E VËNË NË RREZIK NË ÇDO MOMENT!
DUHEN SHEMBUR SHKALLËT DHE DUHET TË HAPET TUNELI, QË BANORËT TË DALIN LIRSHËM NGA LAGJIA!