Edi Rama nuk është mirë, realisht!

Nga Herion Mesi- 

Kryeministri Rama doli sot në një konferencë shtypi nga zyra e tij në kryeministri. Foli gjatë, sillej e mpshtillej sa andej-këtej, zgurdullonte sytë gjithë tërsellim, zymtohej kur dilte emri Ilir Meta e Sali Berisha, ëngledisej kur fliste për Lulzim Bashën, justifikoi Policinë e Shtetit për dhunën, akuzoi LSI për shkatërrimet në kryeqytet, acarohej kur i përmendnin koncensionet që ka dhënë e po jep, sajdisej me disa pyetje të porositura nga mediat proqeveritare, turfullonte kur kujtonte 25 prillin, nxirrte shkulma kur prapë i përmendnin Presidentin e Republikës, mashtronte për shifra mirëqënie ekonomike, ngrehosej për shpërblimet e Vitit të Ri, sikletosej kur i përmendej se pensionet nuk janë rritur dhe kërkon ti gënjejë me gjel deti, zymtosej kur iu tha se korrupsioni në qeveri është stratosferik dhe e dreqosi kur foli se ai do fitojë prapë me 25 prill.

Kryeministri nuk ishte mirë ashtu sikurse sinjali i ERTV që ikte e vinte për shikuesit, ndërkohë që ai fliste me ata dhe me veten.